सहकारी ठगी प्रकरणमा कारागार रहेका पूर्वडीआईजी जोशी अस्वस्थ, केही दिन अस्पतालमै राखिने

गत शुक्रबार उच्च अदालतले पनि थुनामै राख्ने आदेश सदर गरेको थियो । उच्चले शुक्रबार जोशीको हकमा जिल्ला आदेश सदर गर्दै अर्का प्रतिवादी रवि लामिछानेलाई पनि थुनामै राख्ने आदेश दिएको थियो । उच्च अदालतको आदेशपछि लामिछाने पनि सोही कारागारको ब्लक नं. ४ मा रहेका छन् । जोशी ब्लक नं. २ मा छन् ।

जोशी र उनको परिवार उच्च अदालतबाट थुनामुक्त हुनेमा धेरै आशावादी थिए । तर, त्यही अनुसार आदेश नआएपछि उनी बिरामी परेको पारिवारिक स्रोतले बतायो । भैरहवास्थित युनिभर्सल मेडिकल कलेजमा जोशीलाई प्राध्यापक एवं डा. सन्दीप सुवेदीसहितको टोलीले हेरिरहेको छ । डा. सुवेदी साइकाट्रिक कन्सल्ट्यान्ट हुन् ।

जोशी कारागार प्रशासनको निगरानीमा अस्पतालको क्याबिनमा रहेको सूचना अधिकारी गुरुङले बताए । सुप्रिम सहकारी ठगी प्रकरण मुद्दामा जोशीविरुद्ध २ करोड ५० लाख व्यक्तिगत र १० करोड ९९ लाख ३६ हजार रुपैयाँ संयुक्त बिगो दाबी गरिएको छ ।